काठमाडौं । साताको पहिलो कारोबार दिन आइतबार सेयर बजार बढेको छ ।
आज बजार १९.५६ अंकले बढेर २६९८.०३ को विन्दुमा पुगेको नेपाल स्टक एक्सचेन्ज(नेप्से)ले जनाएको छ ।
बजार बढेसंगै आइतबार कारोबार रकम पनि बढेको छ । बिहिबार ७ अर्ब ९२ करोड १३ लाखको कारोबार भएको बजारमा आइतबार ९ अर्ब ४७ करोडको कारोबार भएको छ ।
आइतबार बजारमा १७६ कम्पनीको सेयर मूल्य बढेको छ भने ६३ कम्पनीको सेयर मूल्य घटेको छ । बाकी ४ कम्पनीको मूल्यमा परिवर्तन भएको छैन।
आइतबार विन नेपाल लघुवित्त, गुराँस लघुवित्त, नेपाल फाइनान्स, जानाकी फाइनान्स, गार्डियन माइक्रोलाइफ इन्स्योरेन्स र पोखरा फाइनान्सको सेयर मूल्य १० प्रतिशत बढेको छ भने न्यादी हाइड्रोपावरको १० प्रतिशत घटेको छ ।
