काठमाडौं । साताको तेस्रो कारोबार दिन मंगलबार पनि सेयर बजार सामान्य बढेको छ ।
आज बजार ११.९१ अंकले बढेर २७३९.८२ को विन्दुमा पुगेको नेपाल स्टक एक्सचेन्ज(नेप्से)ले जनाएको छ ।
बजार बढेसंगै कारोबार रकम पनि बढेको छ । सोमबार १० अर्ब ४ करोडको कारोबार भएको बजारमा मंगलबार १० अर्ब ४३ करोडको कारोबार भएको छ ।
त्यसैगरी मंगलबार ८७ कम्पनीको सेयर मुल्य बढेको छ भने १४९ कम्पनीको सेयर मुल्य घटेको छ । बाकी ८ कम्पनीको सेयर मुलयमा कुनै परिर्वतन आउको छैन् ।
मंगलबार ४ कम्पनीको सेयर मूल्य १० प्रतिशतले बढेको छ। १० प्रतिशत बढेका कम्पनीमा विन नेपाल लघुवित्त, गुराँस लघुवित्त, इमर्जिङ नेपाल र गार्डियन माइक्रोलाइफ इन्स्योरेन्स छन् ।
त्यसैगरी आज सप्तकोशी विकास बैंकको मूल्य १० प्रतिशतले घटेको छ ।
