काठमाडौं । नेपाल माइक्रो इन्स्योरेन्सको आईपीओ बाँडफाँट भएको छ ।
कम्पनीले शुक्रबार बिहान आईपीओ बाँडफाँट गरेको हो । गोलाप्रथामार्फत १ लाख ८४ हजार ५०० जना आवेदकले सेयर हात पारेका छन् ।
कम्पनीले सर्वसाधारणका लागि गत फागुन ११ देखि १५ गतेसम्म प्रतिकित्ता १०० अंकित दरमा १८ करोड ४५ लाख रुपैयाँ बराबरको १८ लाख ४५ हजार कित्ता शेयर निष्काशन गरेको थियो ।
आईपीओमा १८ लाख १७ हजार १४८ आवेदकले २ करोड २४ लाख ४६ हजार ३५० कित्ताका लागि आवेदन दिएका थिए । जसमा १० हजार ३८६ जना आवेदकको आवेदन रद्द भएको छ ।
आईपीओको नतिजा बिक्री प्रबन्धक एनआइएमबी एस क्यापिटको वेबसाइट, नेपाल माइक्रो इन्स्योरेन्सको वेबसाइट, मेरो सेयर र सिडिएससीको वेबसाइट बाट हेर्न सकिने छ ।
