काठमाडौं । केहि दिनदेखी लगातार ओरालो लागेको सेयर बजार बिहिबार पनि घटेको छ ।
साताको अन्तिम दिन कारोबार बिहिबार सेयर बजार १२.३८ अंकले घटेर २६६९.७६ को विन्दुमा झरेको नेपाल स्टक एक्सचेन्ज(नेप्से) ले जनाएको छ ।
बजार घटेसंगै बिहिबार कारोबार रकम पनि घटेको छ । बुधबार ५ अर्ब १४ करोडको कारोबार भएको बजारमा बिहिबार ४ अर्ब ५६ करोडको कारोबार भएको छ ।
बिहिबार ६२ कम्पनीको सेयर मुल्य बढेको छ भने १७५ कम्पनीको सेयर मुल्य घटेको छ । बाकी ७ कम्पनीको सेयर मुल्यमा कुने परिर्वतन आएको छैन ।
