काठमाडौं । प्रकाश सपूतको निर्देशनमा बनेको चलचित्र ‘वसन्त’को ट्रेलर सार्वजनिक भएको छ ।
ट्रेलरमा समाजमा हुने जातिय भेदभावका कारण प्रेममा आउने समस्या र संघर्षलाई देखाइएको छ ।
यही चैत २२ गतेदेखि प्रदर्शन हुन लागेको चलचित्र ‘वसन्त’मा प्रकाश र स्वस्तिमासहित प्रभात पल ठकुरी, श्री शिभान्सी, उर्मिला लाम्गादे, खड्क बहादुर पुन (खबपु), अनुप बराल, कमलमणी नेपाल, प्रकाश घिमिरे लगायतको अभिनय छ ।
चलचित्रका निर्माता मोहन विश्वकर्मा र बिन्दु बोहोरा हुन् भने कार्यकारी निर्मातामा अनुरोध भट्टराई, नाना थकाली र वीरेन्द्र नारायण श्रेष्ठ छन् ।
