काठमाडौं । साताको अन्तिम कारोबार दिन बिहिबार सेयर बजार दोहोरो अंकले बढेको छ । 

आज बजार ४१.४३ अंकले बढेर २६६३.५४ को विन्दुमा पुगेको नेपाल स्टक एक्सचेन्ज(नेप्से)ले जनाएको छ । आज बजार १.५८ प्रतिशतले बढेको छ । 

बजार बढेसंगै कारोबार रकम पनि बढेको छ । बुधबार ४ अर्ब २० करोड ४४ लाख रूपैयाँको कारोबार भएको बजारमा बिहिबार ५ अर्ब २२ करोडको कारोबार भएको छ । 

बिहिबार २२७ कम्पनीको सेयर मुल्य बढेको छ भने १६ कम्पनीको सेयर मुल्य घटेको छ ।