काठमाडौं । साताको चोथौ कारोबार दिन बुधबार सेयर बजार बढेको छ ।
आज बजार २५.३१ अंकले बढेर २७०१ को विन्दुमा पुगेको नेपाल स्टक एक्सचेन्ज(नेप्से)ले जनाएको छ ।
बजार बढे पनि बुधबार कारोबार रकम भने सामान्य घटेको छ । मंगलबार ५ अर्ब ७९ करोडको कारोबार भएको बजारमा बुधबार ५ अर्ब ४४ करोडको कारोबार भएको छ ।
बुधबार १६६ कम्पनीको सेयर मुल्य बढेको छ भने ७८ कम्पनीको सेयर मुल्य घटेको छ ।
आज केन्द्रीय वित्त कम्पनी लिमिटेड र विशाल बजार कम्पनी लिमिटेडको सेयर मुल्यले सकारात्मक सर्किट लगाएको छ ।
