काठमाडौं । साताको चौथौ कारोबार दिन बुधबार सेयर बजार बढेको छ ।
आज बजार ९.६६ अंकले बढेर २६७६.२८ को विन्दुमा पुगेको नेपाल स्टक एक्सचेन्ज(नेप्से)ले जनाएको छ । बजार बढे पनि कारोबार रकम भने घटेको छ ।
मंगलबार ५ अर्ब ३० करोडको कारोबार भएको बजारमा बुधबार ४ अर्ब ४८ करोडको कारोबार भएको छ ।
त्यसैगरी आज १५४ कम्पनीको सेयर मुल्य बढेको छ भने ९० कम्पनीको सेयर मुल्य घटेको छ । बाकी १ कम्पनीको सेयर मुल्यमा कुनै परिर्वतन आएको छैन् ।
बुधबार नेपाल माइक्रो इन्स्योरेन्स कम्पनी लिमिटेडको सेयर मुल्य सबैभन्दा बढि बढेको छ ।
