काठमाडौं । साताको चौथो कारोबार दिन बुधबार सेयर बजार दोहोरो अंकले घटेको छ । 

आज बजार ३२.३८ अंकले घटेर २६५५.९४ को विन्दुमा झरेको नेपाल स्टक एक्सचेन्ज(नेप्से)ले जनाएको छ । 

बजार घटेसंगै कारोबार रकम पनि घटेको छ । मंगलबार ८ अर्ब ३२ करोडको कारोबार भएको बजारमा बुधबार ७ अर्ब ५७ करोडको कारोबार भएको छ ।

आज २८ कम्पनीको सेयर मुल्य बढेको छ भने २१७ कम्पनीको सेयर मुल्य घटेको छ ।  बाकी १ कम्पनीको सेयर मुल्यमा कुनै परिर्वतन आएको छैन् ।