काठमाडौं । नागरिक उन्मुक्ति पार्टी (नाउपा) का संरक्षक रेशम चौधरी रिहा भएका छन् ।

अनधिकृत रुपमा सर्वोच्चका शाखा अधिकृतले पठाएको पत्रपछि बुधबार पक्राउ परेका चौधरी डिल्लीबजार कारागारबाट रिहा भएका हुन् ।

सर्वोच्च अदालतले यसअघि लेखेको पत्र अनधिकृत भएको भन्दै पक्राउ परेका चौधरीलाई रिहा गर्न पत्र पठाएपछि रिहा गरेको हो ।

नागरिक उन्मुक्ति र जनमत पार्टीबीच एकता घोषणा कार्यक्रम आयोजना गरिएको स्थल प्रज्ञा भवनबाट चौधरीलाई सादा पोषाकमा आएका प्रहरीहरुले पक्राउ गरेको थियो ।