काठमाडौं । साताको पहिलो कारोबार दिन आइतबार सेयर बजार सामान्य घटेको छ । 

आज बजार २.७९ अंकले घटेर २६०९.०५ को विन्दुमा झरेको नेपाल स्टक एक्सचेन्ज(नेप्से)ले जनाएको छ । 

बजार घटे पनि कारोबार रकम भने बढेको छ । बिहिबार ७ अर्ब ८३ करोडको कारोबार भएको बजारमा आइतबार ८ अर्ब ५० करोडको कारोबार भएको छ । 

त्यसैगरी आज एक सय कम्पनीको सेयर मुल्य बढेको छ भने १४५ कम्पनीको सेयर मुल्य घटेको छ । बाकी १ कम्पनीमा कुनै परिर्वतन आएको छैन ।