काठमाडौं । साताको चौथो कारोबार दिन बुधबार सेयर बजार सामान्य अंकले घटेको छ ।
आज बजार ११.९७ अंकले घटेर २६४६.९५ को विन्दुमा झरेको नेपाल स्टक एक्सचेन्ज(नेप्से) ले जनाएको छ । बजार घटे संगै कारोबार रकम पनि घटेको छ । मंगलबार ६ अर्ब ६७ करोडको कारोबार भएको बजारमा बुधबार ५ अर्ब १६ करोडको कारोबार भएको छ ।
त्यसैगरी बुधबार ६६ कम्पनीको सेयर मुल्य बढेको छ भने १८१ कम्पनीको सेयर मुल्य घटेको छ । बाकी एक कम्पनीको सेयर मुल्यमा कुनै परिर्वतन आएको छैन् ।
