काठमाडौं । साताको चौथो कारोबार दिन बुधबार सेयर बजार झिनो अंकले घटेको छ । 

आज बजार १.०७ अंकले घटेर २६५३.६८ को विन्दुमा झरेको नेपाल स्टक एक्सचेन्ज(नेप्से) ले जनाएको छ । 

बजार घटे पनि बुधबार कारोबार रकम भने बढेको छ । मंगलबार ७ अर्ब ६५ करोडको कारोबार भएको बजारमा बुधबार ९ अर्ब ८ करोडको कारोबार भएको छ । 

त्यसैगरी आज ८८ कम्पनीको सेयर मुल्य बढेको छ भने १५९ कम्पनीको सेयर मुल्य घटेको छ । बाकी १ कम्पनीको सेयर मुल्यमा कुनै परिर्वतन आएको छैन् ।