काठमाडौं । बंगलादेश वायुसेनाको एक प्रशिक्षण विमान ढाकाको एक विद्यालयमा दुर्घटनाग्रस्त हुदाँ मृत्यु हुनेको संख्या २० पुगेको छ ।
सोमबार एफ सेभेन बीजीआई प्रशिक्षण जेट विमान बंगलादेशको ढाकास्थित माइलस्टोन स्कुल तथा कलेजमा दुर्घटनाग्रस्त भएको हो ।
बंगलादेशको मिडिया डेली स्टारका अनुसार उक्त विमान दुर्घटनामा मृत्यु हुनेको संख्या २० पुगेको छ भने घाइतेको संख्या १७१ पुगेको छ । मृतकको संख्या अझ बढन सक्ने बताइएको छ ।
अहिले राहत र उद्धारको काम भइरहेको र राहत र उद्धार कार्यका लागि सीमा रक्षक बंगलादेशका दुई टोलीहरू खटाइएको बंगलादेशको सेनाले जनाएको छ ।
