काठमाडौं । नेपाली बजारमा शुक्रबार सुनको मुल्य घटेको छ । 

आज सुन तोलामा ५ सय रुपैयाँले घटेर प्रतितोला १ लाख ९४ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । बिहिबार सुन प्रतितोला एक लाख ९५ हजार २ सय रुपैयाँमा कारोबार भएको थियो । 

त्यसैगरी आज चाँदी प्रतितोला २ हजार ३ सय ४० रुपैयाँमा कारोबार भइरहेको महासङ्घले जनाएको छ । बिहिबार चाँदी दुई हजार ३३५ रुपैयाँमा कारोबार भएको थियो ।