काठमाडौं । साताको चौथो कारोबार दिन बुधबार सेयर बजार दोहोरोअंकले घटेको छ ।
आज बजार ४७.९३ अंकले घटेर २९५४.१४ को विन्दुमा झरेको नेपाल स्टक एक्सचेन्ज(नेप्से)ले जनाएको छ । आज बजार १.५९ प्रतिशतले घटेको हो ।
बजार घटेसंगै बुधबार कारोबार रकम पनि घटेको छ । मंगलबार १८ अर्ब ५२ करोडको कारोबार भएको बजारमा बुधबार १६ अर्ब ४४ करोडको कारोबार भएको छ ।
त्यसैगरी आज २३ कम्पनीको सेयर मुल्य बढेको छ भने २२६ कम्पनीको सेयर मुल्य घटेको छ ।
त्यसैगरी आज दुई कम्पनीका सकारात्मक सर्किट लागेको छ । बुधबार ट्रेड टावर र सान्भी इनर्जीको सेयर मुल्य १० प्रतिशत बढेको हो ।
