.jpg)
काठमाडौं । पेट्रोलियम पदार्थको मूल्य बढाइएको छ ।
नेपाल आयल निगमको सञ्चालक समितिको बैठकले पेट्रोल तथा डिजेल–मट्टितेलको मूल्य वृद्धि गर्ने निर्णय गरेको हो।
निगमका अनुसार आइतबार राति १२ बजेदेखि लागू हुने गरी पेट्रोलमा प्रतिलिटर १ रुपैयाँ र डिजेल–मट्टितेलमा प्रतिलिटर ३ रुपैयाँ वृद्धि गरिएको छ।
मूल्य समायोजनपछि काठमाडौंमा पेट्रोलको मूल्य प्रतिलिटर १५७ रुपैयाँ पुगेको छ भने डिजेल–मट्टितेलको मूल्य प्रतिलिटर १४२ रुपैयाँ कायम भएको निगमले जनाएको छ।
