काठमाडौं । अमेरिकी राष्ट्रपति डोनाल्ड ट्रम्पले सहयोगी देशहरूले हर्मुज स्ट्रेट खुला राख्न पहल नगरेमा नेटोका लागि भविष्य राम्रो नहुने चेतावनी दिएका छन्।
आइतबार फाइनान्सियल टाइम्समा प्रकाशित अन्तर्वार्तामा उनले यस्तो धारणा व्यक्त गरेको रोयटर्सले जनाएको छ । ट्रम्पले आवश्यक सहयोग नआएमा चिनियाँ राष्ट्रपति सी जिनपिङसँग तय भएको शिखर भेटसमेत स्थगित हुन सक्ने संकेत गरेका छन्।
उनका अनुसार चीनले पनि यस विषयमा सहयोग गर्नुपर्ने आवश्यकता छ, किनभने चीनले आफ्नो करिब ९० प्रतिशत तेल यही स्ट्रेटबाट प्राप्त गर्ने गर्दछ। साथै उनले बेइजिङ भ्रमणअघि चीनको धारणा स्पष्ट रूपमा जान्न चाहेको बताएका छन्।
