काठमाडौं । साताको तेस्रो कारोबार दिन बुधबार सेयर बजार दोहोरो अंकले घटेको छ ।

आज २५.८१ अंकले घटेर २७४४.४५ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ । 

बजार घटेसंगै बुधबार कारोबार रकम पनि घटेको छ । मंगलबार ६ अर्ब ५३ करोडको कारोबार भएको बजारमा आज ४ अर्ब ९८ करोडको कारोबार भएको छ । 

त्यसैगरी आज ३० कम्पनीको सेयर मुल्य बढेको छ भने २३५ कम्पनीको सेयर मुल्य घटेको छ भने ४ कम्पनीको सेयर मुल्य कुनै पनि परिर्वतन आएको छैन् ।