काठमाडौं । जारी फिफा विश्वकपमा अस्ट्रेलियाले विजयी सुरुवात गरेको छ।
आइतबार बिहान समूह डी अन्तर्गत भएको खेलमा अस्ट्रेलियाले टर्कीलाई २–० ले पराजित गर्दै प्रतियोगितामा पहिलो जित दर्ता गरेको हो।
अस्ट्रेलियाका लागि नेस्टोरी इराङ्कुन्डा र कोनर मेटकाफले एक–एक गोल गरे। खेलको २७औँ मिनेटमा इराङ्कुन्डाले गोल गर्दै टोलीलाई अग्रता दिलाएका थिए। त्यसपछि दोस्रो हाफको ७५औँ मिनेटमा मेटकाफले अर्को गोल थप्दै अस्ट्रेलियाको जित सुनिश्चित गरेका हुन्।
यो सँगै अस्ट्रेलियाले समूह डी मा महत्वपूर्ण तीन अंक जोड्दै विश्वकप यात्राको सकारात्मक सुरुआत गरेको छ।
पाराग्वेमाथि शानदार जित हासिल गरेको आयोजक अमेरिका शीर्ष स्थानमा छ । यसअघिको खेलमा ब्राजिल र मोरक्कोले १–१ को बराबरी खेलेका छन् ।
