काठमाडौं । साताको अन्तिम कारोबार दिन शुक्रबार सेयर बजार झिनो अंकले घटेको छ ।
आज बजार १.१३ अंकले घटेर २६००.७८ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार घटेर बन्द भए पनि शुक्रबार कारोबार रकम भने बढेको छ । बिहिबार ४ अर्ब ६१ करोडको कारोबार भएको बजारमा आज ६ अर्ब ८६ करोडको कारोबार भएको छ ।
त्यसैगरी आज १२० कम्पनीको सेयर मुल्य बढेको छ भने १३५ कम्पनीको सेयर मुल्य घटेको छ । बाकी १९ कम्पनीको सेयर मुल्यमा कुनै परिर्वतन आएको छैन ।
