काठमाडौं । आईसीसी क्रिकेट विश्वकप लिग–२ अन्तर्गतको पहिलो खेलमा नेपाल नामिबियासँग ८ विकेटले पराजित भएको छ।

नेपालले दिएको १५८ रनको सामान्य लक्ष्य नामिबियाले ३७.४ ओभरमा २ विकेट गुमाएर पूरा गर्यो।

टस हारेर पहिले ब्याटिङ गरेको नेपाल ४६.५ ओभरमा १५७ रनमै अलआउट भयो। कप्तान रोहित पौडेलले सर्वाधिक ३१ रन बनाए भने दीपेन्द्र सिंह ऐरीले ३०, गुल्शन झाले २०, करण केसीले १८ र आसिफ शेखले १६ रनको योगदान दिए।

यस जितसँगै नामिबियाले २९ खेलबाट २४ अंक बनाएको छ। नेपाल पनि समान २९ खेलबाट २४ अंकमै रहेको छ।

नेपालले अब सिरिजको दोस्रो खेल बिहीबार नेदरल्यान्ड्ससँग खेल्नेछ।