काठमाडौं । मलेसियामा जारी एसीसी प्रिमियर कपमा नेपालले विजयी शुरुवात गरेको छ ।
सोमबार भएको खेलमा नेपालले बहराइनलाई ७ विकेटले पराजित गरेको हो । ८८ रनको लक्ष्य पछाएको नेपालले २१ ओभरमा ३ विकेट गुमाउदै लक्ष्य पुरा गरेको हो ।
नेपालका लागि अर्जुन कुमालले ३६ रन बनाए भने रोहित पौडेलले अविजित १९ रन बनाए ।
यसअघि टस हारेर पहिला ब्याटिंग गरेको बहराइनले ३६.२ ओभरमा अल आउट हुदै ८७ रन मात्र बनाएको थियो । त्यसैगरी नेपालका लागी सन्दीप लामिछानेले ५ विकेट लिए भने ललित राजबंशीले ३ विकेट लिए ।
नेपालले अब अर्को खेल सेप्टेम्बर ३ मा मलेसियासँग खेल्ने छ ।
