साउन ९ काठमाडौं । नेपालमा पछिल्लो २४ घण्टामा थप ५६८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार कुल ४ हजार ८०० जनामा गरिएको नमुना परिक्षणमा थप ५६८ जना संक्रमित थपिएका हुन् । यो सँगै नेपालमा ३५३० जना सक्रिय संक्रमित रहेका छन् ।
यस्तै सोहि समयमा थप ९५ जना कोरोना संक्रमण मुक्त भएका छन् भने थप एक जनाले कोरोनाको कारण ज्यान गुमाएको मन्त्रालयले जनाएको छ । यस्तै पछिल्लो समय नेपालमा कोरोना संक्रमितको दर बढिरहेको छ ।
