भदौ २० काठमाडौं । स्थानीय बजारमा साताको पहिलो दिन आज सुनको भाउ तोलामा ६ सय रुपैयाँले बढेको छ ।

आज​ सुनको भाउ तोलामा ९१ हजार ५ सय रुपैयाँ तोकिएको नेपाल सुनचाँदी व्यवसायी महासङ्घले जनाएको छ । गत शुक्रबार सुन तोलामा ९० हजार ९ सय रुपैयाँ तोकिएको थियो । त्यस्तै आज तेजावी सुन प्रतितोला ९१ हजार रुपैयाँ कायम भएको छ

चाँदीको भाउ पनि आज तोलामा ३५ रुपैयाँ बढेर तोलाको १२ सय ३० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । त्यस्तै चाँदीको मूल्य गत शुक्रबार प्रतितोला ११९५ रुपैयाँ कायम गरेको छ ।