भदौ २८ काठमाडौं ।  प्रमुख प्रतिपक्षी दल नेकपा (एमाले)ले निर्वाचन आयोग र सभामुखलाई विपक्षी बनाइ सर्वोच्चमा दिएको रिट निवेदनमाथि आज सुनुवाई हुने भएको छ ।

एमालेले तत्कालीन आफ्ना १४ सांसदहरुलाई कारवाही गरे पनि सभामुख अग्निप्रसाद सापकोटाले सुचना टाँस नगरेको र  निर्वाचन आयोगले पनि उनीहरुलाई नयाँ दल दर्ताका लागि सनाखत गराएको भन्दै सर्वोच्चमा रिट निवेदन दिएको थियो ।

उक्त रिटमाथि आज सुनुवाइ हुने भएको हो । सुनुवाईका लागि उक्त रिट सर्वोच्च अदालतका वरिष्ठतम् न्यायाधीश दीपककुमार कार्की र न्यायाधीश मीरा खड्काको संयुक्त इजलासमा पुगेको छ ।