काठमाडौँ । साताको पाँचौँ दिन आज सुनको मूल्य प्रतितोला ७०० रुपैयाँको गिरावट आएको छ। 

नेपाल सुनचाँदी व्यवसायी व्यवसायी महासंघका अनुसार हिजो बुधवारको तुलनामा आज मूल्यमा गिरावट आएको हो।

७०० रुपैयाँले घटेसँगै आज छापावाल सुनको मूल्य तोलामा १ लाख १७ हजार ५०० रुपैयाँ कायम भएको छ। यस्तै, तेजाबी सुनको मूल्य तोलामा १ लाख १६ हजार ९५० रुपैयाँ कायम भएको महासंघले जनाएको छ। हिजो बुधवार छापावाल सुनको मूल्य तोलामा १ लाख १८ हजार २०० र तेजाबी सुनको मूल्य तोलामा १ लाख १७ हजार ६५० रुपैयाँ कायम थियो।

यस्तै, आज चाँदीको मूल्य समेत घटेर कारोबारमा आएको छ। महासंघका अनुसार आज चाँदीको मूल्य तोलामा १० रुपैयाँले घटेर कारोबारमा आएको छ। आज चाँदीको मूल्य प्रतितोला १३ सय ९० रुपैयाँ कायम छ। जुन, हिजो बुधवार तोलामा १४ सय रुपैयाँ कायम थियो।