काठमाडौं । राष्ट्रिय स्वतन्त्र पार्टी(रास्वपा)का सांसद डोलप्रसाद अर्यालले सिंहदरबारको पहुँच बाहिरका नागरिकले सधैं असुरक्षित रहनुपर्ने हो भन्दै प्रश्न गरेका छन् ।

बिहिबारको उद्योग तथा वाणिज्य र श्रम तथा उपभोक्ता हीत समितिको बैठकमा बोल्दै उनले जनताले बनाएका संरचनाहरुमा प्रयोग हुने सामग्रीहरुको गुणस्तर मापन हुन नसकेको बताएका हुन् । 

अर्यालले सरकारले बनाउने संरचनामा गुणस्तर पास नभएका सामग्रीहरु नागरिकहरुले संरचना बनाउँदै प्रयोग भइरहेको बारे सरकारले ध्यान दिनुपर्ने बताए । 

उनले सिंहदरबार सबै सुरक्षित  र बाहिर सबै असुरक्षितको स्थिति आएको  बताए । गुणस्तरहीन सामग्रीहरुको प्रयोग बन्द गर्न आवश्यक रहेको अर्यालको भनाई छ ।