काठमाडौं । साताको पहिलो कारोबार दिन आइतबार नेप्से परिसूचक दोहोरो अंकले घटेको छ।
आज नेप्से ११.७८ अंकले घटेर १९६०.३० विन्दुमा बन्द भएको हो ।
२ अर्ब ८ करोड २७ लाख ८६ हजार ८९ रूपैयाँको सेयर कारोबार भएको छ। बिहीबारको तुलनामा आज कारोबार रकममा ४८ करोड रूपैयाँ कमी आएको हो।
यस दिन ३०९ वटा धितोपत्रको ५५ लाख ७४ हजार २०७ कित्ता सेयर किनबेच भएको हो। आइतबार ६७ कम्पनीको सेयर मूल्य बढेको छ भने १७३ वटाको घटेको छ। यस्तै, ८ कम्पनीको सेयर मूल्य स्थिर रहेको छ।
