.jpg)
काठमाडौं । पूर्व सभामुख तथा माओवादी केन्द्रका उपाध्यक्ष कृष्णबहादुर महरा पक्राउ परेका छन्।
सोमबार बिहान सुन तस्करी प्रकरणको अनुसन्धानको क्रममा महरालाई प्रहरीले पक्राउ गरेको हो।
महरालाई कपिलवस्तुबाट पक्राउ गरेको प्रहरीले जनाएको छ ।
आइतबार मात्र गृहमन्त्रालयले सुन तस्करी प्रकरणमा मुछिएका सबै जनामाथि अनुसन्धान प्रक्रिया अगाडि बढाउन प्रहरीलाई निर्देशन दिएको थियो । यसअघि महरासँग आयोगले बयान समेत लिएको थियो ।
९ किलो सुन तस्करी गरेको अभियोगमा प्रहरीको केन्द्रीय अनुसन्धान ब्युरो (सीआईबी) ले नेता महराका छोरालाई यसअघि नै पक्राउ गरिसकेको थियो।
