काठमाडौं । आगामी वैशाख १५ गते इलाम–२ र बझाङ–१ हुने उपनिर्वाचनमा नेकपा (माओवादी केन्द्र) ले आफ्नै उम्मेदवार उठाउने भएको छ ।

माओवादी केन्द्रका सचिव देवेन्द्र पौडेलका अनुसार बुधबार बसेको पार्टी पदाधिकारी बैठकले दुवै ठाउँमा आफ्नै उम्मेदवार उठाउने निर्णय गरेको हो ।

धिरेन शर्मा, कान्छा लावती र ओमबहादुर गुरुङको नाम इलाम–२ को उम्मेदवारमा माओवादीबाट सिफारिस भएको छ ।

सत्तारुढ गठबन्धन दलहरु माओवादी, एकीकृत समाजवादीले इलाम–२ मा एमाले उम्मेदवार सुहाङ नेम्वाङलाई समर्थन गर्ने चर्चा चलेको थियो । एमालेले यसअघि नै सुहाङलाई उम्मेदवार बनाइसको छ ।

इलाम–२ बाट माओवादीका तीन जना नेताको नाम उम्मेदवारको रुपमा सिफारिस भएर आएको भए पनि कसलाई टिकट दिने भन्नेबारे आजको बैठकमा टुंगिएको छैन ।