.jpg)
काठमाडौं । गण्डकी प्रदेशका मुख्यमन्त्री खगराज अधिकारीले सोमबार मन्त्रिपरिषद विस्तार गरेका छन्।
उनले एमालेका सीता सुन्दास र वेदबहादुर गुरुङलाई मन्त्री नियुक्त गरेका हुन ।
सोमबार प्रदेश प्रमुख डिल्लीराम भट्टले मुख्यमन्त्री अधिकारीको उपस्थितिमा सीता सुन्दास र वेदबहादुर गुरुङले पद तथा गोपनीयताको शपथ लिएका छन्।
मुख्यमन्त्री अधिकारीको अघिल्लो कार्यकालमा पनि उनीहरु दुवैजना मन्त्री थिए।
स्याङ्जाकी सीता सुन्दासलाई यसपालि सामाजिक विकास तथा स्वास्थ्यमन्त्री र कास्कीका वेदबहादुरलाई ऊर्जा, जलस्रोत तथा खानेपानी मन्त्रालयको जिम्मा दिइएको हो।
यस अघी सुन्दासले अर्थमन्त्रालय र गुरुङले कृषि तथा ऊर्जा मन्त्रालयको जिम्मेवारी पाएका थिए।
गण्डकीमा सोमबारको मन्त्रिपरिषद् विस्तारपछि मन्त्रिपरिषद् ५ सदस्यीय बनेको छ।
