काठमाडौं । सभामुख देवराज घिमिरेले प्रधानमन्त्री पुष्पकमल दाहाललाई प्रमुख प्रतिपक्षी दल नेपाली कांग्रेससँग तत्काल सहमति कायम गरेर सदनको अवरोध हटाउन आग्रह गरेका छन् । 

बुधबार बिहान बालुवाटारस्थित प्रधानमन्त्रीको सरकारी निवासमा भएको भेटमा सभामुख घिमिरेले प्रधानमन्त्री दाहाललाई कांग्रेससँग तत्काल सहमति कायम गर्न आग्रह गरेका हुन् । 

संसद् अवरोधकै विषयमा केन्द्रित भएको भेटमा सभामुख घिमिरेले संसद्‌बाट विधेयकहरू पारित हुन नसकिरहेका बेला भइरहेको निरन्तरको अवरोधले जनस्तरमा वितृष्णा फैलिएको बताए । 

भेटमा प्रधानमन्त्री प्रचण्डले बुधबार नै सत्तापक्षका नेताहरूको बैठक बस्ने तयारी भएको जानकारी दिँदै बिहीबार बस्ने संसद् बैठक खुलाउने गरी निर्णयमा पुग्ने बताए ।