काठमाडौं । सहकारी प्रकरण छानबिनका लागि गठन गरिने संसदीय समितिको कार्यादेश टीओआर टुंगो लगाउन गठित कार्यदलको बैठक आज बस्दैछ ।

बैठक कानून, न्याय तथा संसदीय मामिला मन्त्रालयमा बिहान ९ बजे बस्ने छ ।

कार्यदलमा नेपाली कांग्रेसबाट सांसद जीवन परियार, एमालेबाट महेश बर्तौला र राष्ट्रिय स्वतन्त्र पार्टी रास्वपाका तर्फबाट शिशिर खनाल सदस्य छन् । सत्ता पक्ष र प्रतिपक्षबीच टकराव बढिरहेका बेला फेरि एकपल्ट सहमति खोज्ने प्रयास गरिएको हो ।

सरकारले छानबिन समितिको क्षेत्राधिकारमा सहमति नभए संसद् अधिवेशन अन्त्य गरेर अध्यादेशबाट बजेट ल्याउने तयारीसमेत गरेको छ ।