काठमाडौं । सहकारीको रकम अपचलनबारे छानबिन गर्ने संसदीय समितिको कार्यादेश (टीओआर) टुंगो लागेको छ ।

मंगलबार दिउँसो बसेको कार्यदलको बैठकले संसदीय समितिको ४ बुँदे टीओआर टुंगो लगाएको हो । उक्त टीओआर प्रधानमन्त्री पुष्पकमल दाहाललाई बुझाउने बताइएको छ । 

टीओआरको अनुसूची–२ मा गृहमन्त्री रवि लामिछाने संलग्न भएर रकम अपचलन भएका सहकारीहरूको नाम समेटिएको छ । 

जसमा आईडियल यमुना, ईमेज, सहारा, समानता, सानो पाइला , सुप्रिम, सूर्यदर्शन, सुमेरू र स्वर्णलक्ष्मी सहकारी रहेका छन् । 

संसदीय छानबिन समितिमा सात सदस्यीय रहने जनाइएको छ । जसमा नेकपा (एमाले)का तर्फबाट दुई, नेकपा (माओवादी केन्द्र) र रास्वपाका तर्फबाट एक-एक सदस्य रहनेछन् ।