काठमाडौं । क्रिकेटर सन्दीप लामिछानेलाई अमेरिका जाने भिसा दिन माग गर्दै बुधबार उनका समर्थकले काठमाडौँमा प्रदर्शन गरेका छन्।

विश्वकप खेल्न जान अमेरिकी दूतावासले लामिछानेलाई भिसा दिन अस्वीकार गरेपछि बुधबार दिउँसो माइतीघर मण्डलाबाट विरोध प्रदर्शन सुरु गरिएको हो।

समर्थकहरुले सन्दीपलाई भिसा दे, अमेरिकी सरकार होसियार लगायतका नारा लगाएका छन् । 

बलात्कार मुद्दामा उच्च अदातलते सफाइ दिएपछि नेपाल क्रिकेट संघ (क्यान) ले सन्दीपलाई विश्वकप खेल्न अमेरिका पठाउन पहल गरेको थियो।

तर अमेरिकी दूतावासले उनलाई भिसा दिन अस्वीकार गरेको छ।