काठमाडौं । प्रधानमन्त्री पुष्पकमल दाहालले सत्ता समीकरणमा कुनै समस्या नरहेको बताएका छन् ।
बिहीबार काठमाडौंमा आयोजित जनसांस्कृतिक महासंघको राष्ट्रिय सम्मेलनमा प्रधानमन्त्री दाहालले यस्तो बताएका हुन् ।
प्रधानमन्त्री दाहालले भने,“राजनीतिक परिस्थिति र घटनाक्रममा उतारचढाव जस्तो देखिए पनि वर्तमान सत्ता समीकरणमा कुनै समस्या छैन,” ।
उनले समाजवादी मोर्चा र वामपन्थी ध्रुवीकरणको पहल गर्ने विषय समाजवादको आधार तयार पार्ने विषयसँगै सम्बन्धित रहेको बताए ।
प्रधानमन्त्री दाहालले फेरि पनि एउटा आन्दोलनको तयारीका रूपमा अघि बढिरहेको बताए । उनले वामपन्थी, समाजवादीको एकताको बाटोमा चुनौती भएको बताउँदैजति जोखिम भए पनि एकताकै बाटो हिँड्ने बताए ।
