काठमाडौं । साताको अन्तिम कारोबार दिन बिहीबार सेयर बजार १०.४४ अंकले घटेर बन्द भएको छ ।
आज बजार ०.५० प्रतिशतले घटेर २०६८.३१ विन्दुमा बन्द भएको नेपाल स्टक एक्सचेन्जले जनाएको छ ।
यस दिन नेप्से परिसूचक घटेको भए पनि कारोबार रकम भने बढेको छ । आज तीन अर्ब ८७ करोड सात लाख रुपैयाँको सेयर कारोबार भएको छ । बुधबार भने तीन अर्ब ४० करोड रुपैयाँको सेयर कारोबार भएको थियो ।
५२ कम्पनीको सेयर मूल्य बढेको छ भने १८६ कम्पनीको सेयर मूल्य घटेको छ । बाकी आठ कम्पनीको सेयर मूल्य भने स्थिर छ ।
