काठमाडौं । कृषि तथा पशुपंक्षी विकासमन्त्री ज्वालाकुमारी साहले चालु आर्थिक वर्ष र आगामी आर्थिक वर्षमा रासायनिक मलको अभाव नहुने बताएकी छन् । 

बिहीबार प्रतिनिधिसभा बैठकमा मन्त्री साहले अहिले ९६ हजार मेट्रिक टन रासायनिक मल मौजाद रहेको बताइन् । उनले थप एक लाख ३१ हजार मेट्रिक टन रासायनिक मल असार मसान्तसम्म आयात भइसक्ने भन्दै उनले मलको आवश्यकता पूरा हुने दाबी गरिन् । 

मन्त्री साहले आगामी आर्थिक वर्षमा मलको सहज उपलब्धताको लागि दुई लाख ५० हजार मेट्रिक टनको टेन्डर आह्वान भइसकेको र सोमध्ये ९० हजार मेट्रिक टनको आपूर्ति सम्झौता पनि भइसकेको जानकारी दिइन् । 

उनले भनिन् “आगामी आर्थिक वर्षमा मलको सहज उपलब्धताको लागि दुई लाख ५० हजार मेट्रिक टनको टेन्डर आह्वान भइसकेको र सोमध्ये ९० हजार मेट्रिक टनको आपूर्ति सम्झौता पनि भइसकेको हुँदा मलको अभाव नहुने गरी मन्त्रालयले कार्ययोजना बनाई काम अगाडि बढाइएको छ भन्ने कुरा म जानकारी गराउन चाहन्छु,”।