काठमाडौं । नेपाली बजारमा सोमबार सुनको मुल्यले फेरि नँया रेकर्ड बनाएको छ ।
आइतबार प्रतितोला १ लाख ४६ हजार ७०० रुपैयाँमा कारोबार भएको छापावाला सुन आज २०० रुपैयाँले बढेर प्रतितोला १ लाख ४६ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यो हालसम्मकै उच्च मूल्य हो ।
आज तेजावी सुन प्रतितोला १ लाख ४६ हजार २ सय रुपैयाँमा खरिदबिक्री भइरहेको छ ।
यसैगरी, सोमबार चाँदीको मूल्य १० रुपैयाँले बढेको छ । आज चाँदी प्रतितोला १ हजार ८८५ रुपैयाँमा कारोबार भइरहेको महासंघले जनाएको छ ।
