काठमाडौं । नवनियुक्त गृहमन्त्री रमेश लेखकले पदभार ग्रहण गरेका छन् ।

सोमबार सिंहदरबारस्थित गृह मन्त्रालयमा पुगेर गृहमन्त्री लेखकले पदभार ग्रहण गरेका हुन् ।

पदभार ग्रहण गर्दै लेखकले सिमलताल बस दुर्घटनाबारे अध्ययन गर्न कार्यदल गठन गर्ने निर्णयमा हस्ताक्षर गरेका

उनले सहसचिव छवि रिजालको नेतृत्वमा कार्यदल बनाउने निर्णयमा हस्ताक्षर गरेका हुन् ।

कार्यदलमा ३ सुरक्षा निकायका ३ जना, भौतिक मन्त्रालयका १ जना र सहसचिव रिजाल गरी ५ जना छन् । कार्यदललाई १० दिन समय दिइएको छ ।

नारायणगढ–मुग्लिन सडकखण्ड अन्तर्गत सिमलतालमा गत शुक्रबार बिहान करिब साढे ३ बजे खसेको पहिरोले दुई वटा बस त्रिशूली नदीमा खसेको थियो ।