काठमाडौं । साताको दोस्रो कारोबार दिन सोमबार सेयर बजार झिनो अंकले बढेको छ ।

आज बजार २.१५ अंकले बढेर २४८८.०९ विन्दुमा पुगेको नेपाल स्टक एक्सचेञ्जले जनाएको छ । 

आज ३०९ वटा कम्पनीको शेयर कारोबार हुँदा १३ वटा समूहमध्ये ७ वटा समूहको शेयर मूल्य बढेको छ भने अन्य ६ वटा समूहको शेयर मूल्य घटेको छ । 

सोमबार ११५ वटा कम्पनीको शेयर मूल्य बढ्दा करिब १४ अर्ब रुपैयाँको कारोबार भएको छ । आज १२१ वटा कम्पनीको शेयर मूल्य घटेको छ भने ६ वटा कम्पनीको शेयर मूल्य स्थिर रहेको छ ।