काठमाडौं । गृहमन्त्री रमेश लेखकसँग नेपालका लागि जर्मनीका राजदूत डा.थोमस प्रिन्जले शिष्टाचार भेटवार्ता गरेका छन् । 

गृह मन्त्रालयमा बुधबार बिहान गृहमन्त्री लेखकसँग राजदूत प्रिन्जले शिष्टाचार भेटवार्ता गरेको गृहमन्त्रीको सचिवालयले जनाएको छ।

भेटवार्तामा उनीहरूबीच नेपाल र जर्मनीको आपसीहित र पारस्परिक सहयोगका विषयमा कुराकानी भएको थियो ।

गृहमन्त्री लेखकले जर्मनीले अहिलेसम्म गरेको सहयोगका लागि धन्यवाद दिँदै आगामी दिनमा पनि सहयोग रहने विश्वास व्यक्त गरेका थिए।