काठमाडौं । साताको दोस्रो कारोबार दिन सोमबार सेयर बजारमा कारोबार रकमले नयाँ रेकर्ड बनाएको छ
आज बजारमा २७ अर्ब २४ करोड २० लाख रुपैयाँको कीर्तिमानी कारोबार भएको छ । बजारमा आइतबार २५ अर्ब ७७ करोड ९४ लाख रुपयाँको कीर्तिमानी कारोबार भएको थियो। सोमबार उक्त कीर्तिमान तोडिएको हो ।
कारोबार रकमले नयाँ रेकर्ड बनाउँदा सोमबार नेप्से परिसूचक ७०.८१ अंक बढेको छ । आज बजार ७०.८१ अंकले बढेर २९३१.६५ बिन्दुमा पुगेको नेपाल स्टक एक्सचेन्जले जनाएको छ ।
कुल १७१ कम्पनीको मूल्य बढ्दा ६८ को घट्यो भने ३ को स्थिर रह्यो ।
