काठमाडौं । सहकारी संस्थाको बचत रकम दुरुपयोगबारे गठन गरिएको संसदीय छानबिन विशेष समितिले सहकारीको रकम अपचलनमा मुछिएका राष्ट्रिय स्वतन्त्र पार्टी (रास्वपा)का सहमहामन्त्री विपीनकुमार आचार्यसँग बयान लिएको छ ।
आइतबार सिंहदरबारमा बसेको समिति बैठकमा उक्त विषयमा आचार्यसँग बयान लिइएको हो । सुप्रिम बचत तथा ऋण सहकारीको रकम अपचलनमा आचार्य मुछिएका छन् ।
सरोकारवाला निकायलगायत सहकारीको रकम ठगीमा मुछिएकालाई कारागारबाट झिकाएर पनि समितिले निरन्तर छलफल गरिरहेको छ ।
गएको जेठ १५ गते सहकारीको बचत रकम अपचलनसम्बन्धी छानबिन गर्न संसदीय छानबिन समिति गठन गरिएको थियो ।
