काठमाडौं । अमेरिकी पूर्वराष्ट्रपति डोनाल्ड ट्रम्पमाथि फेरि गोली चलेको छ ।
गएराति अमेरिकाको फ्लोरिडाको गल्फ कोर्सबाट ट्रम्प निस्किँदा गोली चलेको बताइएको छ ।
स्थानिय सञ्चार माध्यमका अनुसार अहिले ट्रम्प सुरक्षित छन्। वेस्ट पाल्मबिच क्षेत्रमा गल्फ खेल्दा ट्रम्प छेउ गोली चलेको हो । एउटा हतियार गल्फ कोर्सको छेउमा फेला परेको बताइएको छ । अमेरिकी अधिकारीहरूले एकजनाई पक्राउ गरिएको पुष्टि गरेका छन्।
आगामी नोभेम्बरमा हुने अमेरिकी राष्ट्रपति निर्वाचनमा ट्रम्प रिपब्लिकन पार्टीको तर्फबाट उम्मेदवार छन् । उनीमाथि यसअघि पेनसिलभेनियामा पनि गोली प्रहार भएको थियो ।
