काठमाडौं । मेडिकल व्यवसायी दुर्गा प्रसाईंमाथि अनुसन्धानका लागि तीन दिन म्याद थप गरिएको छ ।

जिल्ला अदालतका न्यायाधीश बालकृष्ण वाग्लेको इजलासले प्रसाईंलाई तीन दिन हिरासतमा राखेर अनुसन्धान गर्न म्याद थप गरेको हो। आइतबार भक्तपुरस्थित आफ्नै निवासबाट पक्राउ परेका प्रसाईंमाथि थप अनुसन्धानका लागि जिल्ला अदालत काठमाडौं लगिएको थियो ।

उनी विरुद्ध साइबर ब्यूरोमा विद्युतीय कारोबार ऐन अन्तर्गतको कसुरमा उजुरी परेको थियो । जिल्ला अदालत काठमाडौंले पक्राउ अनुमति दिएपछि प्रसाईंलाई पक्राउ गरिएको हो ।