काठमाडौं । साताको तेस्रो कारोबार दिन मंगलबार पनि सेयर बजार ओरालोतर्फ लागेको छ ।
आइतबार सामान्य अकंले बढेको बजार सोमबार र मंगलबार भने घटेको छ । आज बजार ५८.९३ अंकले घटेर २४७०.३९ को विन्दुमा झरेको नेपाल स्टक एक्सचेन्जले जनाएको छ ।
आज १० कम्पनीको मात्र सेयर मूल्य बढ्दा बजारमा पाँच अर्ब ६८ करोड ९५ लाख ६१ हजार रूपैयाँको कारोबार भएको छ। मंगलबार २ सय ३३ कम्पनीको सेयर मूल्यमा गिरावट आएको छ भने एक कम्पनीको सेयर मूल्यमा कुनै परिर्वतन आएको छैन् ।
आज फाइनान्स सबैभन्दा धेरै ४.६ प्रतिशत घट्यो । बैंकिङ २.००, विकास बैंक ३.०३, होटल तथा पर्यटन २.६६, हाइड्रोपावर २.८०, लगानी २.९८, उत्पादन १.९५, माइक्रोफाइनान्स २.३८, निर्जीवन बीमा १.३९, अन्य २.७९ र व्यापार २.०७ प्रतिशत घटे ।
