काठमाडौं । साताको दोस्रो कारोबार दिन सोमबार सेयर बजार दोहोरो अकंले बढेको छ ।
आज बजार ३७.१३ अंकले बढेर २६९०.७२ अंकमा कायम भएको नेपाल स्टक एक्सचेन्जले जनाएको छ ।
बजार बढ्दा कारोबार रकम पनि बढेको छ । अघिल्लो दिन ६ अर्ब १३ करोडको कारोबार भएकोमा आज ७ अर्ब ९ करोडको कारोबार भएको छ । आज १७६ कम्पनीको मूल्य बढ्दा ६६ को घट्यो भने २ को स्थिर रहेको छ ।
आज फाइनान्स सेक्टर र उत्पादन समूह घटेको छ भने बाकी सबै सेक्टर बढेका छन् ।
बैंकिङ १.९०, विकास बैंक १.१०, होटल तथा पर्यटन ३.५०, हाइड्रोपावर १.०५, लगानी १.४६, जीवन बीमा १.११, माइक्रोफाइनान्स १.५१, निर्जीवन बीमा ०.८८, अन्य २.६१ र व्यापार समूह १.४६ प्रतिशत बढे ।
