काठमाडौं । विजयादशमीको बिदापछिको पहिलो कारोबारमा सेयर बजार हरियालीतर्फ बढेको छ।
आज बजार २७०० अंक नजिक पुगेको छ । मंगलबार बजार ३१.४८ अंकले बढेर २६९९.६६ बिन्दुमा पुगेको नेपाल स्टक एक्सचेन्जले जनाएको छ ।
नेप्से परिसुचक बढेपनि कारोबार रकम भने घटेको छ । आज ३ अर्ब ६ करोडको कारोबार भएको छ ।
उत्पादनबाहेक सबै क्षेत्रका सूचक बढेका छन् । उत्पादन समूह ०.२२ प्रतिशत घट्यो । फाइनान्स सूचक सबैभन्दा धेरै ४.६१ प्रतिशत बढ्यो । बैंकिङ १.५९, विकास बैंक १.५६, होटल तथा पर्यटन ०.८०, हाइड्रोपावर ०.७२, लगानी १.५२, जीवन बीमा १.००, माइक्रोफाइनान्स ०.७२, निर्जीवन बीमा ०.५१, अन्य १.२१ तथा व्यापार समूह १.७६ प्रतिशत बढे ।
